VBS – Freilichtbühne Born – Die Heiden von Kummerow

Mandach, vierundtwinningsten im Austmaad 2026 wiern wi wedder in Born up de Frielichtbühn. Een nieges Speel üm den Müller stunn up’ n Speelplan. Wi wirn spannt as’ n Flitzebagen wat dat wull wäsen sullt.
Bi gaud Wärer, Sünnenschien un lüttbetten Einn, hebn wi inne drütt Reih uns Nors hinlecht. Gaude Utsicht up de Bühn harrn wi ok.
Nu ging dat mit de Kinners ut Kummerow los. De wiern gaud und plietsch tau gang. Na ja, Kinners äben. Dunn wiern ok de Olln anne Rieh. De harrn ehr Daun mit veel Klamauk. Wier alls gaud antauseihen. Gefollen harr de Inlagen mit Danz un Sang, wier mol wat anners. Uns hett dat freuit un kommodisch wierd ok.
Alls in alls wier dat ‚n gaude Kommödie un hett uns veel Freu makt.
Sicherlich sünd wi oewers Johr wärer mit dorbi.

Gerhard Th.
25.08.2026