IG Platt snaken 07.05.2025
Di tun dat up hoch un platt

„Du hest nu schon oewer de Pedalridders, de Blomensmückers, de Kägelscheibers schräben, nu sünd ok mol de annern an de Reih.
So, dor har ick dat nu von de Meyer‘schen an Kopp krägen. Ick sall tau de „Plattsnackers“ gahn, mi dat anhürn un wat tau‘n Nahmerrach upschrieben vör uns Internet.
Ick bünn denn an söbten von de Wonnemond (Mai) hen. De Stuuw wier bannig vull, einuntwinnig Lüüd wiern kamen. Dat sünd schon bannig vääl, wiel doch hüüt dat Plattsnacken nie nich so in ne Mood un de Sprak nich miehr so in Gebruk is. Un deswägenis dat wat Schöns. Dat sick uns VBS – Senioren to so ein Grupp „Plattsnakers“ dräpen.
Na, de Magrit Thämlitz har uns all gaud in de Hand. Mit ehr Rupfcello har se denn taun mitsingen inlaadt. Dat har ok klappt, mitmoken is äben alls. Se har dat Plattdütsch jo ok studiert un as Paukscherin wüsst se schon, wie se uns to faten krägen det. Mit bäten Vertellers un mit Jüch un Knabbertüchs wür dat jümmers fideler. Vör de Urlaubsries wurden all de Kuffers packt. Mangeen har schon veel Tüchs dorbi. Unerhollung bröcht ok de „Bingo“ rinn in ne Stuuv. Gliekers wüür dat läsen von‘ t Riemels „Süße Erinnerungen“. Dit wier avwesselnd up hoch un platt un de Thämlitz‘en har dat so inricht, dat jümmers een denn dat ok so vorläst har. Wier schon ne spoßig Sa.
Taun Enn hen har se sick noch dree Leeders utsöcht:
„Dat du min Leevsten büst“,
„Öwer de stillen Straaten“, na ja un
„Ostseewellen Leed“ von Martha Müller-Grählert.
Dat dörft nich fehlen.
So büng nu an Enn anlangt. Wier mol wedder ne gaude Tied tosamen.
Adschüss, bit nichstens.

Gerhard Th.
07.05.2025
oewerläsen un richtens mag vun Magrit Th.